БИШКЕК, 4-янв. — Sputnik. UFC версиясы боюнча мушкерлердин жаңыланган дүйнөлүк рейтингинде Кыргызстанда төрөлгөн Валентина Шевченко биринчи орунга чыкты. Бул тууралуу уюмдун расмий сайтына жарыяланды.
Ultimate Fighting Championship — бул Түндүк Америка, Европа жана Азияда аралаш эреже боюнча беттештерди өткөргөн уюм. Башкы кеңсеси Лас-Вегаста жайгашкан (АКШ).
Шевченко узак мөөнөттүү келишимге кол коюп, анын алкагында жети беттеш өткөрөт.
Мурдагы рейтингде Шевченко Ронда Роузиден (АКШ) кийин экинчи орунда турган. Роузи үч позицияга төмөндөп төртүнчү орунга түштү. Экинчи орунда Шевченконун келечектеги каршылашы Жулиана Пенья турат. Эки спортчу январдын аягында беттешет.
Үчүнчү орунду америкалык Холли Холм ээледи.
