12 Чын Куран 2016, 09:47
Америкадагы Юта штатында эки жашар эгиздердин бири шкафтын алдында калган экинчисин кантип куткарып калганы үйгө орнотулган камерага жазылып калган. Аны баланын ата-энеси YouTube каналына жайгаштырып, каарман бөбөктүн эрдигин төрт миллионго жакын киши көргөн.
Балдар үйдүн бурчунда ойноп жатып, ал жердеги комод-шкафтын суурмаларын тартып чыгып, ага түшүүгө аракет кылып жатканда, ал аңтарылып кетип, балдардын бирин басып калган.
Эмеректин алдында калган түгөйүнүн жанында чебелектеп чуркаган бөбөк аракет кылып, шкафты ары-бери түртүп жатып, бир тууганын бошотуп алган.
Балдардын ата-энеси балдардын ишенимдүү турган эмеректи да ала салдырып жибериши мүмкүн, андыктан коопсуздук сактоо зарыл деген таризде аталган видеону жайгаштырган.
