БИШКЕК, 2-янв. — Sputnik. Шахан поселогундагы көп кабаттуу үйдүн бир бөлүгү урап түшүп, эки киши каза болгонун Sputnik Казакстан маалымат агенттиги билдирди.
Маалыматка ылайык, 1-январда саат 22.40тар чамасында Караганда облусунун Шахтинск шаарынын Шахан поселогунда көп кабаттуу үйдүн бир бөлүгү урап түшкөнү боюнча маалымат келип түшкөн. Окуя болгон жерге куткаруучулар жөнөтүлгөн.
Акыркы маалыматтар боюнча урандынын алдынан төрт киши куткарылса, алардан экөө балдар. Ошондой эле урандынын алдында кишилер болушу ыктымалдыгы айтылууда. Аларды таап чыгаруу үчүн 70 киши жана 16 атайын техника тартылган.
