БИШКЕК, 2-янв. — Sputnik. Кыргызстандагы эркектердин 85,2 пайызы аялдар үй оокат жасоодон рахат алат деп ишенет.
Мындай жыйынтыкка Улуттук статистикалык комитет келген. Мекеменин маалыматы боюнча бул пикирге кыргызстандык айымдардын 84 пайызы да кошулат.
Статистика көрсөткөндөй, адам канчалык билимдүү болсо, ошончолук бул ойго кошулбайт экен. Мисалы, мектеп менен чектелгендердин дээрлик 90 пайызы аял оокат жасоо үчүн жаралган деп эсептесе, билимдүүлөрдүн 80 пайызы гана бул пикирге макул.
