БИШКЕК, 1-янв. — Sputnik. Биринчи январга караган түнү тез жардам кызматынын 38 бригадасы жана 40 унаасы ишке чыкты. Бул тууралуу тез жардам кызматы билдирди.
Мааалыматка ылайык, 31-декабрдан 1-январга караган түнү тез жардам станциясына 642 билдиррүү түшкөн.
"Чакыруулардын 463үнө дарыгерлер жеринен жардам көрсөтсө, 179уна кеңештер берилген. 112 адам болсо ооруканага жаткырылды", — деп жазылат маалыматта.
Мындан сырткары 83 адам сасык тумоодон жабыркап, анын 35и ооруканага жаткырылган. Тамак ашына 10 адам ууланып, жетөөсү ооруканага жатса, үч адам мушташуудан жабыркаган.
