БИШКЕК, 1-янв. — Sputnik. Кыргызстанда орто эсеп менен 20-29 жашта үйлөнүшөт. Бул туурасында Статистика комитетинин маалыматында айтылат.
Өлкөдө 2000-жылдан тарта никеге тургандардын саны арбыган, албетте, аны менен кошо балдардын төрөлүү тенденциясы да өскөн.
"Кыргызстандыктар орточо эсеп менен 20-29 жашта никеге турушат. Бул жарандык абалды каттоо кызматына кайрылгандардын 70 пайызын түзөт", — деп айтылат маалыматта.
Былтыркы жылдын статистикасы менен алсак, үйлөнгөндөрдүн боосу бекем болбой, алардын ичинен ар бир алтынчы жуп ажырашып тынат экен. Айыл жергесинде 1000 никеге 104-106 ажырашуу туш келсе, шаардыктарда бул көрсөткүч 3 эсеге көп экендигин Статком билдирди.
