БИШКЕК, 30-дек. — Sputnik. Россия президенти Владимир Путин Россия менен Кыргызстандын ортосунда мунай жана мунай заттарын жеткирүүдө кызматташуу боюнча келишимди ратификациялады. Бул тууралуу РИА Новости билдирди.
Кыргызстан менен Россия өкмөттөрүнүн ортосундагы келишимге 2016-жылы 6-июнда кол коюлган. Ага ылайык, эки мамлекеттин өкмөттөрү жыл башында Кыргызстандын ички керектөөсүндөгү мунай жана мунай заттарынын көлөмүн жана номенклатурасын макулдашат.
Кыргызстан нефтетрейдерлер ассоциациясынын аткаруучу директору Улан Куловдун айтымында бул келишим Кыргызстанга бир нече жеңилдиктерди берет: салыктар жоюлат, импорттолгон күйүүчү майга акча кадыресе аз төлөнөт, ички өндүрүш өнүгүп, кошумча жумушчу орундары түзүлөт.
Маалыматка ылайык, Кыргызстан бир жылда 1,3 миллион тонна күйүүчү жана майлоочу май колдонот.
