Болот Шамшиев: кыргыз киносунун кайра жаралуу доору башталды деп айтууга эрте
Кыргызстанда жылына 100гө жакын тасмалар тартылып жатканы менен кыргыз киносунун кайра жаралуу доору баштала электигин Кыргыз Эл артисти Болот Шамшиев Sputnik Кыргызстан агенттигине билдирди.
"Акыркы жылдары кыргыз кинолорунун жаңы толкуну башталды. Бирок тарыхый процесске беш жыл өтө аздык кылат. Жаңы доор башталды деп айтууга жок дегенде 15-20 жыл талап кылынат. Азыр биз эң башкысы сандан сапатка өтүшүбүз керек. Учурда жаңы кинолорду тартып жаткан 50-60 адамдын ичинен бара-бара 2-3 мыкты режиссер чыкса, ошол чоң жетишкендик", — деди Шамшиев.
Ал акыркы жылдардагы тасмалардын арасынан жакшы киреше алып келген тасма катары жаш режиссер Руслан Акундун "Салам, Нью-Йорк!" тасмасын баса белгиледи.
