Нурдин Эрматов: кан тапшырган донордун организми 24 саатта кайра калыбына келет
Жалал-Абад облустук кан борборунун башкы дарыгери Нурдин Эрматов кан тапшырган донорлор эч кандай зыянга учурабай тургандыгын айтып берди.
"Ден соолугу чың болгон адам ар бир 2-3 айда донор катары канын тапшыра берсе болот. Канда эмне алынарына жараша да болот. Мисалы, эритроцит, тромбоцит же лейкоцит алынышы мүмкүн. Ар биринин көрсөткүчтөрү, мөөнөттөрү бар. 200-300 миллилитр кан тапшырса, донордун каны 24 сааттын ичинде кайра калыбына келет", — деди Эрматов.
Ошондой эле ал белгилегендей дарыгерлер адамдын каны аз экенин билсе, гемоглобини 120дан төмөн болсо кан тапшырууга жол бербейт.
