БИШКЕК, 26-дек. — Sputnik. Биринчи вице-премьер Мухамметкалый Абулгазиев кыргыз-казак чек арасындагы өткөрүү пункттарын кыдырды. Бул тууралуу өкмөттүн маалымат кызматы билдирди.
![Биринчи вице-премьер Мухамметкалый Абулгазиев кыргыз-казак чек арасындагы өткөрүү пункттарын кыдырды Биринчи вице-премьер Мухамметкалый Абулгазиев кыргыз-казак чек арасындагы өткөрүү пункттарын кыдырды - Sputnik Кыргызстан](https://sputnik.kg/img/103099/02/1030990220_103:0:1300:753_600x0_80_0_0_86d31e467b2c338c091becd4aa8d206e.jpg)
![Маалыматка ылайык, Абулгазиев 26-декабрда, кыргыз-казак мамлекеттик чек арасында жайгашкан Токмок-автожол жана Кең-Булуң-автожол көзөмөл өткөрүү жайларын реконструкциялоо жана заманбап жабдыктар менен камсыз кылуу иштеринин жүрүшү менен таанышты. Маалыматка ылайык, Абулгазиев 26-декабрда, кыргыз-казак мамлекеттик чек арасында жайгашкан Токмок-автожол жана Кең-Булуң-автожол көзөмөл өткөрүү жайларын реконструкциялоо жана заманбап жабдыктар менен камсыз кылуу иштеринин жүрүшү менен таанышты. - Sputnik Кыргызстан](https://sputnik.kg/img/103099/02/1030990274_191:0:1526:839_600x0_80_0_0_aa2a863bab54b3821399619fb80017d6.jpg)
Маалыматка ылайык, Абулгазиев 26-декабрда, кыргыз-казак мамлекеттик чек арасында жайгашкан "Токмок-автожол" жана "Кең-Булуң-автожол" көзөмөл өткөрүү жайларын реконструкциялоо жана заманбап жабдыктар менен камсыз кылуу иштеринин жүрүшү менен таанышты.
"Жетишпей жаткан курулуш материалдарынын сметалык наркын тактап, тез арада өткөрмө пункттарды модернизациялоону аяктоо зарыл. Эң башкысы ишти үзгүлтүккө учуратпоо керек", — деди вице-премьер.
Белгилей кетсек, Кең-Булуң айылындагы көзөмөл өткөрүү бекетинин сметалык баасы 29 миң 998,8 сомду, Токмок шаарындагы көзөмөл өткөрүү жайынын сметалык баасы 29 миң 622 сомду түздү.
Эске салсак, буга чейин өкмөт башчы чек ара инфраструктурасын жакшыртуу максатында "Токмок", "Кең-Булуң", "Чалдыбар" жана "Актилек" пункттарын жаңылоону тапшырган. Бул багытта республикалык бюджеттен 72 миллион сом каралган.