БИШКЕК, 24-дек. — Sputnik. Филиппиндин президенти Родриго Дутерте Бириккен Улуттар Уюмуна (БУУ) дагы бир жолу колун кесеп, "БУУну өрттөйм" деп коркутканын РИА Новости агенттиги The Independent басылмасына шилтеме берип кабарлады.
"Дутерте Замбоанга шаарында аскердик базада сүйлөп жатып: "БУУга барып даттана бергиле, Америкага келсем БУУну өрттөйм", — деп билдирген.
БУУнун маалыматында Дутерте бийликке келгенден бери баңгизатка байланышы бар делген 6 миңден ашык адам өлтүрүлгөн.
Мындан сырткары Дутерте Манилдеги маалымат жыйында сүйлөп жатып БУУнун Жогорку комиссары Зейд Раад аль-Хусейнди "келесоо" деп атаган.
Мурда Родриго Дутерте Давао шаарынын мэри болуп турганда кылмышка шектелген адамдарды өзү өлтүргөнүн айтып чыгып, тартип коргоо органдарын да анын жолун жолдого чакырган.
