БИШКЕК, 21-дек. — Sputnik. Германияны Оберхаузен шаарындагы фирмалардын бири зордукчулдан коргой турган аялдардын спорттук шымын ойлоп таап, сунуштады. Бул туурасында Sputnik Германия агенттиги жазды.
Зелицке мындай ой ага паркта үч киши кол салып, шымын чечкенге аракет кылган окуядан кийин келиптир. Ишкер аял жаңы саамалыкты көп кыз-келиндерди тагдырына балта чабуудан сактап калат деген максат менен ойлоп тапкан.
Автордун айтымында, "куткаруучу шымдын" алгачкы бир нечеси сатылып кетти.
"Сатып алабыз дегендер көп болууда. Кезектеги шымдарды жасап жатабыз, аны алты аптада бүтүп калабыз", — деди Зелиц Sputnik Германияга берген маегинде.
Зелиц мындай шым кийген кыздарга асылган зордукчулдардын тилеги эми таш кабат деген канааттануусун жашыра алган жок.
