Бишкекте маңдайлаша отурган өзгөчө отургучтар пайда болду

© SputnikАрт-скамейки у Кыргызского национального академического театра оперы и балета имени Абдыласа Малдыбаева, фото со страницы Facebook Самарбека Болотбекова
Арт-скамейки у Кыргызского национального академического театра оперы и балета имени Абдыласа Малдыбаева, фото со страницы Facebook Самарбека Болотбекова - Sputnik Кыргызстан
Жазылуу
Азыр борбордо болгону төрт арт-отургуч орнотулганы менен демилгечилер жакынкы арада алардын санын көбөйтүүнү пландап жатат.

БИШКЕК, 18-дек. — Sputnik. Уникалдуу төрт арт-отургуч Малдыбаев атындагы кыргыз Улуттук академиялык опера жана балет театрынын жанына орнотулду. Максат — бүгүнкү кымгуут заманда адамдар бир азга болсо да токтоп, бири-бири менен бетме-бет отуруп сүйлөшүүсүнө шарт түзүү. Бул туурасында Sputnik Кыргызстан агенттигине Свердлов районунун акими Самарбек Болотбеков билдирди.

Анын айтымында, жаш дизайнерлердин долбоору шаар мэриясы тарабынан жарыяланган "New Bishkek" сынагында жеңип чыккан. 

"Отургучту алар ойлоп тапты десек, калп айткан болобуз. Себеби, мындайлар чет өлкөлөрдө бар экен. Балдар аны бир аз өзгөртүп, бишкектиктерге жаңыча кылып тартуулады. Кечээ төрт отургучту Малдыбаев атындагы Опера жана балет театрынын жанына орноттук. Максат — бүгүнкү кымгуут заманда адамдар бир азга болсо да токтоп, бири-бири менен бетме-бет отуруп сүйлөшсө деген ой", — деди Болотбеков.

Анын айтымында, отургучтарды орнотууга өнөктөштөр колдоо көрсөткөн. Эми алар өз каражатына Бишкектин дагы бир нече жерине арт-отургучтарды орнотууну пландап жатат.

Жаңылыктар түрмөгү
0