БИШКЕК, 16-дек. — Sputnik. Чүй, Талас, Ош, Жалал-Абад, Баткен облустарынын көпчүлүк аймактарына кар түшө турганын Кыргызгидромет билдирди.
Ал эми Ысык-Көл, Нарын облустарынын айрым аймактарына кар жаайт.
Маалыматка ылайык, жолдор тайгак жана тоңголок болуп, тоолуу аймактарда кар күрткүсү күтүлөт. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши күтүлөт.
Чүй жана Талас өрөөндөрүндө күндүз 4 градус сууктан 1 градуска чейин жылуу болот. Ош, Жалал-Абад жана Баткен облустарынын дыйканчылык аймактарында 3 градус сууктан 2 градуска чейин жылуу болот. Ал эми Ысык-Көлдө 3 градус сууктан 2 градуска чейин жылуу болсо, Нарында 14 градуска чейин суук болот.
