Ажар Алапаева: орус-кыргыз өнүктүрүү фонду 603 долбоорду каржылады
Аймактарга бөлүп караганда Бишкекте — 166, Жалал-Абадда — 105 долбоор каралган. Ал эми Таласта — 19, Нарында — 23 долбоорго каражат бөлүнгөнүн орус-кыргыз өнүктүрүү фондунун коммуникация боюнча эксперти Ажар Алапаева билдирди.
"Көбүнчө насыянын 20 пайызы тамак-аш өнөр жай тармагындагы бизнес-долбоорлорго бөлүнгөн. Ошондой эле 20 пайызы транспорт жана логистика, 10 пайызы курулуш секторун каржылоого берилди", — деп айтты ал.
Орус-кыргыз өнүктүрүү фонду ушул кезге чейин 603 долбоорду каржылады.
Аталган фонд Кыргызстан Евразиялык экономикалык биримдикке киргенде өлкөнүн экономикасын модернизациялоо үчүн түзүлгөн. Маалыматка ылайык, фонддун уставдык капиталы 500 миллион долларды түзөт.
