БИШКЕК, 13-дек. — Sputnik. Дүйнө боюнча популярдуулукка жетишкен Apple компаниясынын iPhone смартфонунун эң биринчи үлгүсү Ebay интернет-дүкөнүндө 23 миң 749 долларга бааланып, сатыкка коюлду. Ал буга чейин колдонулган эмес.
Ушул эле интернет-дүкөндө iPhone смартфонунун дагы бир алгачкы үлгүлөрүнүн бири 19 миң 999 доллар деп көрсөтүлгөн. Буга чейин колдонулган уюлдук аппараттар да жогорку баада сатылып жатат. Интернет-дүкөн смартфондорду дүйнөнүн төрт бурчуна жеткирүүгө даяр.
Apple компаниясы чыгарган iPhone смартфонунун эң биринчи үлгүсү 2007-жылы 29-июнда сатыкка чыгып, 500 долларга бааланган. Ал эми соңку үлгүдөгү iPhone 7 plus аппараты компаниянын расмий сайтында 769 доллардан сатылып жатат.
