Акциянын башкы максаты — муктаж жарандарга кайрымдуулук көрсөтүү менен жаштарды кайрымдуу болууга үндөө.
БИШКЕК, 10-дек. — Sputnik. Ош шаарында "Мүмкүнчүлүгүң болсо ил, муктаж болсоң ал!" деген өзгөчө аталыштагы акция башталып, кайрымдуулук текчеси орнотулду. Бул тууралуу Sputnik Кыргызстан агенттигине аймактык кабарчы маалымдады.
Маалыматтар боюнча текче Курманжан Датка көчөсүндөгү мечиттин жанына жайгаштырылган.
Маалыматтар боюнча текче Курманжан Датка көчөсүндөгү мечиттин жанына жайгаштырылган.
"Акциянын башкы максаты — муктаж жарандарга кайрымдуулук көрсөтүү менен жаштарды кайрымдуу болууга үндөө. Бул кийим текчеге каалоочулар кийимдерин кайрымдуулук максатында таштап кетсе болот ", — деп билдирди кабарчы.
Аталган демилгени "Инсан таануу" коомдук уюмунун активдүү жаштары көтөрүп чыккан. Мындан сырткары аталган коомдук уюм буга чейин Ош шаарындагы аялдамаларга бут кийимдерди тазалоочу каражаттар салынган кутучаларды орноткон.
