БИШКЕК, 10-дек. — Sputnik. Кийинки жылы Бишкек шаарында самбо боюнча эл аралык турнир өтөт. Бул тууралуу Эл аралык самбо федерациясынын расмий сайты кабарлайт.
Аталган федерация 2017-жылы өтө турган турнирлердин күн тартибин жарыялаган.
"Жалпысынан 32 чоң мелдеш өтөт. Алардын арасында эркектер жана кыз-келиндер арасындагы дүйнөлүк биринчиликтер бар. 20-21-февраль күндөрү Бишкек шаарында Виталий Гордеевдин жаркын элесине арналган эл аралык мелдеш уюштурулат", — деп жазылат маалыматта.
Белгилей кетсек, Гордеевдин жаркын элесине арналган турнир жыл сайын уюштурулуп турат.
