БИШКЕК, 8-дек. — Sputnik. Баткен районуна караштуу Кара-Булак айылынын жаштары колунда жок үй-бүлөлөргө жардам беришти. Бул тууралуу аталган облустун казыятынын кызматкери Фуркат Авлиёев билдирди.
Буюм-тайым, азык-түлүк, көмүр жана кышкы кийимдер муктаж болгон 25 үй-бүлөгө таратылып берилди
© Фото / пресс-служб ДУМК КР
Демилге аталган айылдын тургундары тарабынан көтөрүлүп, айыл имамынын колдоосу менен ишке ашырылган.
"Каражат айылдагы жаштардан, жеке ишкерлерден жана чет өлкөдөгү мекендештерден жыйналды. Топтолгон каражатка буюм-тайым, азык-түлүк, көмүр жана кышкы кийимдер сатылып алынып, муктаж болгон 25 үй-бүлөгө таратылып берилди", — деп айтылат маалыматта.
Жардам алган үй-бүлөлөр жаштарга ыраазычылык билдирип, аксакалдар баталарын беришти.
