"Сыйлык тапшыруу аземи биринчи юбилейибизге туш келгени биз үчүн чоң сыймык. Анткени бул күнгө жетүү үчүн көп аракеттерди жумшадык. Бул жыл биринчи юбилейибизди гана эмес, #ONE MAGAZINE журналыбыздын жаңы форматка өтүшүн дагы майрамдап жатабыз", — деди басылманын башкы редактору Айида Долотбакова.
#ONE MAGAZINE AWARDS 2016 сыйлык тапшыруу аземи 11 номинация менен өттү. "Муундардын урматы" номинациясындагы сыйлык кыргыздын улуу жазуучусу Чыңгыз Айтматовго арналды.
Калган 10 сыйлыктын лауреаттары сыйлыктын расмий сайтындагы онлайн-добуш берүүлөр аркылуу аныкталды. Добуш берүү 50 күнгө согулуп, 30-ноябрь күнү аяктады.
Номинация жана жеңүүчүлөр:
- Жылдын банкы — "Оптима Банк"
- Жылдын бренди — "Navat" (чайхана)
- Жылдын жүзү — Имамидин Ташов
- Жылдын менеджери — Албек Ибраимов, Бишкек мэри
- Жылдын мобилдик оператору — "Альфа Телеком" ЖАК (MegaCom бренди)
- Жылдын отели — Hyatt Regency
- Жылдын секириги —"Азия МIX" КВН командасы
- Жылдын туристтик агенттиги — Travel Shop
- Жылдын ресторатору — Рано Бабажанова, FRUNZE арт-ресторанынын, Kaynar банкет-холлунун, "Тюбетейка" ресто-клубунун жана "Барашек" кафесинин ээси
- Жылдын курулуш компаниясы — "TS Групп".
