БИШКЕК, 4-дек. — Sputnik. Колумбия армиясынын бешинчи дивизиясынын башкы генералы Хорхе Умберто Херес өлкөдө 100 миллион долларлык кокаин менен топ кармалганын билдирди деп жазат РИА Новости.
Мыйзамсыз жүк Богота шаарынын борборуна жакын жердеги кампадан табылган.
"Биз АКШ, Канада, Мексикага жөнөтүлө турган эки тоннага чукул кокаин таптык. Баңгизатка каршы күрөш операциясы жүрүп жаткан учурда суунун үстүндө коюлган атайын белгилер дагы текшерилген, жыйынтыгында алардын ар биринин ичинен бирден кап кокаин табылды", — деди Херес.
Түштүк Американын прокуратурасынын берген маалыматтары боюнча жеринен мыйзамсыз баңгизат алып жүрүү ишине катыштыгы бар деп беш адам кармалган. Алардын баары мексикалык болуп чыккан.
Колумбиялык бийлик кармалган мыйзамсыз жүк Мексиканын "Лос-Сатес" ири ишкерлер союзуна тиешелүү болушу мүмкүн деп ойлошууда.
Колумбия Перу жана Боливия менен катар дүйнөлүк "кара" базарды кокаин менен камсыздаган өлкөлөрдүн катарында.
