БИШКЕК, 3-дек. — Sputnik. Вице-премьер Жеңиш Разаков 11-декабрда шайлоо участкаларындагы коопсуздук чараларын күчөтүүнү тапшырды. Бул тууралуу өкмөттүн маалымат кызматы билдирди.
Эскерте кетсек, 11-декабрь күнү 405 жергиликтүү кеңешке (384 айылдык жана 21 шаардык) шайлоо өтөт. Ушул эле Баш мыйзамга өзгөртүү киргизүү боюнча жалпы элдик референдум да болот.
Разаков Ош облусуна болгон иш сапарынын жүрүшүндө Ноокат районундагы шайлоо участкаларынын абалы менен таанышып чыгып, коопсуздук маселесине өтө тыкыр болууну буюрду.
