БИШКЕК, 3-дек. — Sputnik. Бишкектеги "Рефал" мектебинин эмгек жамааты коомчулукка ачык кат менен кайрылды.
Ноябрь айынын аягында Бишкектин Токомбаев көчөсүндө өрт чыккан. Ал "Южный ковчег" чиркөөсүнүн имаратынан башталып, жанындагы мектепке өтүп кеткен. Өрт менен күрөшүү сегиз саатка созулган.
"Балдарды сактап калуу үчүн колдон келген аракетибизди кылдык. 227 окуучуну мектептен аман-эсен алып чыгып кеттик. Бирок мектеп имаратына чоң залака келтирилди. Эмеректер, окуу куралдары, компьютерлер, китептер менен жети класс толук күйүп кетти. Мектептин короосу менен ашканасы дагы жабыркады", — делет кайрылууда.
Ошондой эле курулуш материалдары, акча жагынан жардам берип, же жөн гана ал жакка келип кармалашып, жылуу сөзүн айтып койчу адамдар жетишпей жатканы айтылды.
