БИШКЕК, 28-ноя. — Sputnik. Тумар" бий тобунун өкүлдөрү Адина, Эрдик, Талгат, Тимур жана Эрмек мүмкүнчүлүгү чектелген карылардын үйүнө барып, тамак беришти. Бул боюнча Елена Баялинова билдирди.
Карылардын батасын алып кеткен "Тумарчылар" Словакиядагы сынактан 3-орунду алышты.
Баялинованын айтымында бийчилер ысык тамактан тышкары, өздөрү иштеп тапкан 10 миң сомго картошка, пияз сыяктуу жашылчаларды алып беришкен.
"Булар анча көп акча табышпайт. Ошентсе да карыларга жардам берели деп чечишти. Азыр балдар профессионалдык фотоаппарат сатып алууну пландап жүрүшөт. Бирок азырынча каражаты жок. Өздөрүнүн көпчүлүк муктаждыктарын ар кандай кечелерде бийлеп тапкан жаражат менен камсыздап келишет", — дейт Баялинова.
"Тумар" тобу 2009-жылы түзүлгөн. Анын курамына Бишкектеги "Үмүт-Надежда" реабилитациялык борборунун тарбиялануучулары кирген. 2015-жылы Түркиянын "Минута славы" долбоорунда финалга чыккан. Ал эми " Открытый Казакстан " сынагынан баш байгеге татыган. Ушул жылы өлкөдө өткөн "Пара дэнс" биринчилигинде жеңүүчү аталган.
