БИШКЕК, 28-ноя. — Sputnik. Атактуу рэпэр Jah Khalib жана Данияр Токтомамбетов (MC_doncha) кыска мөөнөттүн ичинде хит болгон "слезы тикли верх" ырын аткарышты.
Белгилүү рэпэрдин расмий сайтында ал Кыргызстанга келип, түнкү клубдардын биринде ырдаганы айтылат. Jah Khalib буга чейин өзүнүн Instagram баракчасына Токтомамбетовдун видеосун бөлүшкөн.
Ал эми кечээ күнү Токтомамбетов өзүнүн Instagram баракчасына Jah Khalib менен бирге ырдаган ырынын видеосун киргизди. Анда ырдын кайсырмасын Jah Khalib ырдаганын көрүүгө болот.
MC_doncha деген лакап ат менен интернет жылдызына айланган Данияр Токтомамбетовдун роликтери кыргызстандыктарды гана эмес россиялыктардын да кызыгуусун жаратууда.
Анын Instagram баракчасына жүктөгөн оригиналдуу видеороликтерин Россиянын белгилүү артисттери Тимати, Михаил Галустян, Кэти Топурия бөлүшүп, жагымдуу пикирлерин калтырган.
Jah Khalib белгилүү рэпэр. Анын "Лейла" чыгармасы учурдагы хиттердин бири.
