"Ош шаарынын Ак-Тилек кичи районундагы Кытай мамлекетинин каржылоосу менен курулуп жаткан 150 орундуу оорукананын курулушунун капсуласы салынды. Мындай заманбап клиника Борбор Азияда биринчилерден болуп Ош шаарына түшүп жатат. Ири долбоордун бүтүшүн 2018-жылдын үчүнчү кварталына пландап жатабыз", — деп кабарлады Шухрат Сабиров.
Вице-мэр заманбап оорукана үч корпустан туруп, галерея аркылуу бириктирилип, медициналык жабдуулар, Тез жардам унаалары менен камсыздаларын кошумчалады.
Бул долбоорго жалпысынан 1,8 миллиард сомдун тегерегиндеги каражат жумшалат.
Белгилей кетсек, Ош комплекстик оорукана КЭР өкмөтү тарабынан кайтарымсыз гранттын эсебинен курулмакчы. Жалпы аянты 25 миң чарчы, сейсмикалык туруктуулугу 1-даража болуп, 9 баллга жеткен жер силкинүүгө туруштук берет.
