БИШКЕК, 25-ноя. — Sputnik. Ак-Талаада үч күн ичинде 60 эшектин териси сыйрып кетишти. Бул тууралуу Sputnik Кыргызстан агенттигине Ак-Талаа РИИБ кылмыш иликтөө тобунун ыкчам өкүлү Алмамбет Керимов билдирди.
Анын айтымында, 27-29-октябрь күндөрү Ак-Талаа районунун бир канча айылдарында эшектердин терисин массалык түрдө сыйрып кеткен учурлар катталган.
"Кош-Төбө, Чолок-Кайың, Жерге-Тал, Кара-Бүргөн, Баетов, Үгүт, Байгөнчөк, Куртка, Тоголок Молдо айылдарында белгисиз бүрөөлөр эшектердин терилерин сыйрып, эттерин таштап кеткен. Жалпы саны 60 эшек болду. Алар эшектерди 10-15тен чогултуп, айдап барып, терилерин сыйырган", — деди Керимов.
Ал аталган факты боюнча үч турган кармалгандыгын айтып, алар терилерди 6500 сомдон Бишкекке ташырганын кошумчалады.
Ал эми аталган райондун акиминин орун басары Абдымалик Сулайманов райондо эшектердин терин топ-топ кылып сыйруу биринчи ирет кездешип жатканын кошумчалады.
"Буга чейин райондо мындай көрүнүш болгон эмес. Милиция кызматкерлери ыкчам түрдө иштеп, шектүүлөрдү колго түшүрдү. Алар кармалгандан кийин, мындай факты окуя кайталана элек", — деди Сулайманов.
"Азыр айылдарда эшек калбай эле баратат. Биз жазында эки эшегибизди карап туруп эле алдырып жибердик. Ким эмне үчүн уурдап кеткенин билбейм", — деди ал.
Азыр Нарын аймагында бир койдун баасы 5000-7000 сомго чейин тургандыгын эске алсак, эшектин бир териси, болжол менен айтканда, бир койдун наркына барабар болууда.
