БИШКЕК, 24-ноя. — Sputnik. Тимур Фрунзе менен Юрий Гагарин көчөлөрүнүн кесилишинде троллейбустун зымы үзүлүп, жол четинде токтоп турган маршруттук таксинин терезесин талкалаганын күбө WhatsApp аркылуу билдирди.
Айдоочу келип маршрутканын оң капталындагы терезе сынганын байкаган. Окуя болгон учурда маршрутка каттамга чыккан эмес.
"Айдоочу азыр кимге кайрыларын жана келтирилген чыгымды ким төлөп берерин билбей жатат", — деди айдоочу.
Бишкек шаарынын вице-мэри Геннадий Милицкий мындай окуялар мурда да катталганын айтып, аларга келтирилген чыгым төлөнүп берилгенин Sputnik Кыргызстан агенттигине билдирди.
"Жол инспекциясынын адистерин чакырып, алардын корутундусун алып троллейбус башкармалыгына кайрылуу керек. Алар келтирилген чыгымды төлөп бериши керек. Анткени алар күнөөлүү", — деди вице-мэр.
Эгер сиз кандайдыр бир кызыктуу окуяларга туш болуп калсаңыз Sputnik Кыргызстан агенттигинин WhatsApp номери +996 706 566 544 аркылуу кабарлап коюңуз.
