БИШКЕК, 23-ноя. — Sputnik. Кечээ, 22-ноябрда Ысык-Көл облусунун Ак-Суу районундагы Жыргалаң айылында калың жааган кардан улам Шахта Жыргалаң айылына жакын жерде бус ичиндеги окуучулары менен жолдо тыгылып калган. Бул тууралуу Өзгөчө кырдаалдар министрлиги билдирди.
Маалыматка ылайык, маршруттук унаада 9 жана 11-классынын 24 окуучусу жана 3 мугалим болгон. Алар Теплоключенка айылындагы жалпы республикалык тестирлөөнун (ЖРТ) биринчи этабына катышып, Шахта Жыргалаң айылына кайтып келе жаткан жеринен Каракол — Шахта унаа жолунун болжол менен 45-48 чакырымында унаа карга тыгылып калган.
Окуя болгон жерге Жыргалаң айылында жайгашкан Тоо кен куткаруу кызматынан алты куткаруучу барып, маршруткадагы окуучуларды үйлөрүнө жеткиришкен. Ошондой эле жолдо тыгылып калган унаа чыгарылган.
Учурда бардыгынын абалы жакшы.
