Топтун жетекчиси Эрмек Кадыров аталган сынактын финалында балдардын кыялындагы бийди тартуулашарын айтып берди.
"Балдардын сүйлөшкөнүн угуп калдым. Алар парк аралап басып, чуркагылары келет экен. Финалда балдардын дал ушул кыялын орундатабыз", — деди ал.
Кадыров ошондой эле эгер конкурсту утуп алышса ата-энелерин алар барган бардык жерлерге алып барууну каалашарын кошумчалады.
Белгилей кетсек, аталган конкурстун байге фонду 50 миң евро. Анын финалы 27-ноябрда Братистлава шаарында өтөт.
"Тумар" бийчилер тобу ден соолугу боюнча мүмкүнчүлүгү чектелгендигине карабастан коляскада отуруп өнөрүн көргөзүп келишет. Аталган топ буга чейин Кытай, Казакстан, Германия, Түркия, Чехия, Гонконгдо Кыргызстандын желегин желбиреткен.
