Элмира Шерипова: Бишкек — Ош унаа жолунда кар көчкү түшүүсү күтүлөт
ӨКМдин маалымат катчысы Элмира Шерипова тоолуу аймактардагы бир катар унаа жолдорго кар көчкү түшүүсү ыктымал экенин белгиледи.
"Туруксуз аба ырайына байланыштуу Бишкек — Ош унаа жолунун 121-138, Кара-Кулжа — Алайкуу унаа жолунун 65-90, Нарын — Казарман унаа жолунун 67-94 жана Каракол — Эңилчек жолунун 45-92-чакырымдарына кар көчкү түшүүсү ыктымал. Жолдор тайгак болот", — деп билдирди Шерипова.
Ал ошондой эле айдоочулар унаалардын ортосунда 500 метр аралык сакталуусу керек экенин кошумчалады.
