БИШКЕК, 19-ноя. — Sputnik. Президент Алмазбек Атамбаев ички иштер министри Улан Исраиловду кабыл алганын өлкө башчынын маалымат кызматы билдирди.
31 Тогуздун айы 2016, 17:01
Жолугушууда мамлекет башчысы коомдук коопсуздукту жана укуктук тартипти камсыз кылуу, ошондой эле кылмыштуулукка каршы күрөшүү боюнча иштин бүт комплексин активдештирүүгө багытталган ИИМ пландары тууралуу маалымат алды.
Президент Атамбаев министр Исраилов менен милиция кызматкерлери үчүн турак жайларды куруу иштерин мындан ары улантуунун пландарын да талкуулашты.
Мамлекет башчысы өлкөдө укуктук тартипти жана коопсуздукту камсыз этүү ишинде ички иштер органдарынын жоопкерчилигин баса белгиледи.
Атамбаевдин айтымында, иш жүзүндө коррупцияны жоюу жана жарандардын милицияга болгон ишенимин арттыруу үчүн укук коргоо органдарынын тутумун реформалоо боюнча ИИМ жетекчилигинин алдында маанилүү милдеттер турат.
