БИШКЕК, 18-ноя — Sputnik. Кыргызстандын өкмөтү тарабынан жаңы туристтик маалымат сайты ачылды. Бул тууралуу Экономика жана өнөр жай министрлигинин маалымат кызматы билдирди.
Негизги максаты — өкмөт тарабынан апрель айында бекитилген программасына ылайык, Кыргызстандагы туризмди 2020-жылга чейин өнүктүрүү.
"Сайттан кыргыз, орус, англис, түрк, кытай жана араб тилдеринде маалымат алууга болот. Интернет баракчада туристтер үчүн эс алуучу жайлар, салт-санаа, үрп-адат, кыргыз элинин турмушу жана ар бир облустун ажайып жерлери камтылган", — деп жазылат маалыматта.
Интернет баракча бир гана чет өлкөлүктөр эмес, кыргызстандыктар үчүн да ыңгайлуу. Ал жерден Кыргызстан жөнүндө бир топ маалымат алууга болот.
