БИШКЕК, 16-ноя. — Sputnik. International SOS жана Control Risks эл аралык компаниясынын изилдөөчүлөрү 2017-жылдагы туристтерге коркунучтуу делген өлкөлөрдүн рейтингин жарыялаган.
Борбор Азиядагы кооптуу делген өлкөлөрдүн ичине Кыргызстан Тажикстан, Өзбекстан мамлекеттери кирген.
Мындан сырткары түзүүчүлөр өлкөдөгү саясий кырдаал, митинг, каршылык акциясы, дин маселесин да эске алган.
Ал эми Борбор Азиядагы коопсуз мамлекеттердин катарын Казакстан мамлекети толуктаса, дүйнөдөгү эң коопсуз өлкө делип Норвегия, Швеция, Финляндия, Исландия жана Дания аталды.
Кооптуу мамлекеттердин рейтинги Терроризм, согуш, кылмыштуулуктун жалпы көрсөткүчү, ошондой эле өлкөдөгү табигый кырсык, күч түзүмдөрүнүн жана тез жардамдын эффективдүүлүгү, унаа ишенимдүүлүгү өңдүү критерийлер аркылуу түзүлгөн.
