БИШКЕК, 15-ноя. — Sputnik. Америкалык драматург Киори Миягава Кыргызстанга келип, жаш кинематографисттер менен чыгармачыл жолугушуу өткөрө турганын Кинематография департаменти билдирди.
Маалыматка ылайык, жолугушуу бүгүн, 15-ноябрда Чыңгыз Айтматов атындагы Кино үйүндө өтөт. Иш-чара саат 11.00дө башталып, каалоочуларга эшик ачык экени белгиленди.
Японияда төрөлүп, 15 жашында Америкага көчүп келген Киори Миягаванын пьесалары учурда Бродвейде коюлуп келет.
