Табылды Актанов: Тоңдогу "Манасчылар ордосуна" Тыныбек манасчынын аты ыйгарылды
Манасчылардын атасы атыккан Тыныбек Жапый уулунун аты ыйгарыла турчу Манасчылар ордосунун курулушу башталганын залкар манасчынын урпагы, белгилүү актер Табылды Актанов билдирди.
Анын айтымында, комплекс Тоң районунун Кайнар айылында жолдун жээгине курулат.
"Тыныбек чоң атамдын киндик каны ушул Кайнарга тамган. Курулуп жаткан комлекс 11-12 сотых жерди ээлеп, ичинде музей, жатакана, ашкана, көрүүчүлөр үчүн зал болот. Мындан аркы Манаска, манасчыларга байланышкан маанилүү иш-чаралар ушул жерде өтүшү болжолдонууда", — деди Актанов.
Ал комплекстин курулушу жеке ишкер Азиза Мамбетказиева тарабынан каржыланып жатканын кошумчалады.
