Ошто каза болгон индиялык студенттин сөөгү эртең Делиге жөнөтүлөт

© REUTERS / Adnan AbidiСильный смог в Нью-Дели, Индия
Сильный смог в Нью-Дели, Индия - Sputnik Кыргызстан
Жазылуу
ОшМУнун ректору учурда сөөктү алып кетүү боюнча консулдук менен атайын түзүлгөн топ иштеп жатканын белгиледи.

БИШКЕК, 14-ноя. Ошто каза болгон индиялык студенттин сөөгү бүгүн кечки саат 20:20да Бишкекке жеткирилет. Бул туурасында Sputnik Кыргызстан агенттигине ОшМУнун ректору Каныбек Исаков билдирди. 

13-ноябрда аталган окуу жайдын чет элдик студенттери каза болуп калган индус жигитинин сөөгүн Делиге жөнөтүүгө КРдеги Индиянын элчилиги жардам бербей жатканы үчүн нааразылык акциясына чыккан. 

Исаковдун айтымында, каза болгон индиялык студент Субан Баграбанын сөөгү Бишкектен 15-ноябрда саат 08:00до Индиянын Дели шаарына жөнөтүлөт.

"Учурда сөөктү алып кетүү боюнча консулдук менен атайын түзүлгөн топ иштеп жатат. Маркумду мекенине жеткирүүдө кете турган чыгымдарына жардам бердик", — деди Исаков.

Бүгүн Индиянын Кыргызстандагы элчилигинин өкүлдөрү Ош шаарына келип индиялык студенттер менен жолукту. Студенттер виза, медициналык камсыздандыруу маселелерин айтып, бир канча талаптарды коюшту.

Учурда ОшМУнун медицина факультетинде Индиядан келген 1500дөй студент окуйт.

Жаңылыктар түрмөгү
0