БИШКЕК, 11-ноя. — Sputnik. Көлдүн Тоң районунда Mercedes унаасы оодарылып, 25 жаштагы жүргүнчүсү мерт кеткенин ӨКМ билдирди.
Маалыматка ылайык, кырсык кечээ, 10-ноябрь күнү Балыкчы — Каракол унаа жолунун 27-чакырымындагы Оттук айылынын тушунда болгон. Унаанын айдоочусу эч кандай жаракат алган эмес.
Каза болгон адамдын денесин достору чыгарып, Балыкчы шаарындагы моргго жеткиришкен. Куткаруу иштерине төрт адис тартылган.
