БИШКЕК, 11-ноя. — Sputnik. Казакстандын Актау облусунда алты килограмм салмактагы наристе төрөлдү. Бул тууралуу Sputnik Казакстан маалымат агенттигинин кабарчысына облустук перинаталдык борбордун башчысынын орун басары Роза Баданова билдирген.
Ымыркай ушул жылдын 7-ноябрында жарык дүйнөгө келген. Анын салмагы 6,1 килограмм болсо, бою 61 сантиметрди түзгөн.
Дарыгерлер төрөт иши эч кандай операциясыз, табигый түрдө болгонун айтып, учурда энесинин абалы жакшы экенин белгилешкен.
Ымыркайга ата-энеси Мөлдір деген ысым беришти. Бул атты казакчадан которгондо "таза, тунук," деген маанини түшүндүрөт.
Дарыгерлер мындай салмакта төрөлгөн баланы генетика менен байланыштырышты. Себеби бул үй-бүлөдөгү балдардын бардыгы башкаларга салыштырмалуу оор салмакта төрөлгөн. Ошондой эле ымыркайдын энесинин кант диабети жогору болгондугу дагы таасир эткенин дарыгерлер белгилешкен.
