БИШКЕК, 9-ноя. — Sputnik. Эгемен Кыргызстандын тарыхында алгачкы премьер-министр Насирдин Исановдун жаркын элесине арналган бокс боюнча мелдеш Жалал-Абад облусунун Кочкор-Ата шаарында өткөнүн кабарчыбыз жеринен билдирди.
Ага Кыргызстандын жети облусунан келген спортчулардан тышкары Тажикстандан 11 мушкер катышты. Беттешке 205 спортчу 16 салмак категориясы боюнча күч сынашкан.
1 Тогуздун айы 2016, 18:52
Шаар мэри Кубанычбек Эгембердиев кылмыштуулуктун алдын алууда спорттун мааниси чоң экенин баса белгиледи.
Жеңүүчүлөр аныкталып, аларга грамота жана акчалай сыйлыктар тапшырылды.
Медалдардын саны боюнча алдыңкы сапка Жалал-Абад облусу чыкса, экинчиге Баткен, үчүнчү орунду Нарындын боксчулары ээлешти.
Ал эми Тажикстандан келген мушкерлер бир алтын, эки күмүш медаль менен кайтышты.
