БИШКЕК, 7-ноя. — Sputnik. Эртең өлкө боюнча күн ачык болот. Бул тууралуу Кыргызгидромет билдирди.
Маалыматка ылайык, чыгыштан соккон шамалдын ылдамдыгы секундасына 3-8 метрге чейин жетет.
"Бишкек жана Ош шаарларында күн ачык болуп, күндүз абанын температурасы 10-13 градуска чейин көтөрүлөт", — деп жазылат маалыматта.
Мындан тышкары, Кыргызстандын тоолуу райондорунда, Бишкек — Ош (198-250 чакырымдарында), Каракол — Эңилчек (75-83 чакырымдарында), Барскоон — Ак-Шыйрак автоунаа жолунун Сары-Мойнок ашуусу жана Сөөк ашуусундагы (60-68 чакырымдарында) автоунаа жолунда кар көчкү түшүүсү күтүлөт. ӨКМ мындан сырткары күрткү жаралып, жолдор тайгак болуп, муз тоңорун кабарлады.
Министрлик сапарга чыккандарга ашууларда жана кооптуу жерлерде автоунаалардын ортосундагы 500 метр аралыкта кыймылдын чектелиш зарылдыгын эскертти.
