БИШКЕК, 7-ноя. — Sputnik. Казакстандын президенти Нурсултан Назарбаев Япониянын императору Акихито менен жолугушканын Sputnik Казакстан агенттиги жазды.
Казакстан башчысы дүйнөлүк көйгөйлөрдү жөнгө салууда Япониянын салымы ат көтөргүс экендигин белгилеп өттү.
"Ал ошондой эле Казакстан БУУнун 2017-2018-жылдар аралыгындагы Коопсуздук кеңешинин туруктуу эмес мүчөсү катары өзөктүк куралсыз дүйнө куруу менен энергетикалык көйгөйлөрдү жоюу жана соода, суу коопсуздугун сактоо үчүн олуттуу салым кошорун белгиледи", — деп айтылат маалыматта.
Мындан тышкары, Назарбаев Алматыдагы Tokyo Rope компаниясынын ишмердүүлүгү менен телекөпүрө аркылуу таанышкан. Ишкана металл продукцияларын чыгарууга багытталып, андан чыккан продукциялар Казакстан аймагында гана эмес, жакынкы жана ыраакы чет мамлекеттерге экспорттолмокчу.
