БИШКЕК, 7-ноя. — Sputnik. Аргентиналык чабуулчу Лионель Месси Испаниянын "Барселона" клубу үчүн 500чу голду киргизгени футбол клубдун расмий сайтында жарыяланды.
Жекшемби күнү Испаниянын чемпионатынын 11-турунда "Севилья" менен болгон беттеш 2:1 эсебинде "Барселонанын" пайдасына аяктады. 29 жаштагы Месси бул оюнда клубу үчүн 500чу голду киргизди.
Месси "Барселона" үчүн 2003-жылдан тартып ойноп баштаган. Ал командасы менен сегиз жолу Испаниянын чемпионатын утуп алган. Өлкө кубогун төрт жолу алса, Испаниянын супер кубогуна жети жолу ээ болгон. Ошондой эле Чемпиондор лигасын төрт жолу, УЕФАнын суперкубогун үч жолу жана үч жолу Дүйнөнүн клубдар аралык биринчилигин камсыздаган.
Андан сырткары, беш жолу FIFAнын алтын тобуна татыган.
