БИШКЕК, 7-ноя. — Sputnik. Бүгүн, 7-ноябрда Нурдин Түгөлов атындагы мамлекеттик "Ак марал" бий ансамблинин концерти боло турганын Улуттук филармониянын башкы режиссеру Умарбек Кадыров билдирди.
Анын айтымында, концерт филармониянын чоң залында өтүп, кечки саат 18.30да башталат.
"Ак марал" бийчилер тобун Нурдин Түгөлов түптөп, учурда балетмейстер Бермет Асылбашеванын жетекчилиги астында Кыргызстандын атынан көптөгөн мамлекеттерди кыдырып өнөрүн тартуулап келет.
