БИШКЕК, 5-ноя. — Sputnik. Жекшемби күнү Кыргызстанда күн ачык болорун Кыргызгидромет билдирди.
Маалыматка ылайык, чыгыштан соккон шамалдын ылдамдыгы секундасына 3-8 метрге чейин жетет.
Бишкек менен Ош шаарларында жаан-чачын күтүлбөйт. Түнкүсүн 2 градуска чейин суук болуп, күндүз абанын температурасы 14 градуска чейин көтөрүлөт.
Кыргызгидромет буга чейин 5-ноябрдан 6-ноябрга чейин Кыргызстандын тоолуу райондорунда, Бишкек — Ош (198-250 чакырымдары), Каракол — Эңилчек (75-83 чакырымдары), Барскоон — Ак-Шыйрак автоунаа жолунун Сары-Мойнок ашуусу жана Сөөк ашуусундагы (60-68 чакырымдары) авто унаа жолунда кар көчкү түшүүсү жана кар күрткүсү күтүлөт, жолдор тайгак болуп, муз тоңорун эскерткен. Унаалардын ортосундагы 500 метр аралык кыймыл чектелиши зарыл.
