БИШКЕК, 2-ноя.— Sputnik. "Ислам мамлекети" террордук уюмунун башчысы Абу Бакр аль Багдади дагы эле Ирактын Мосул шаарында. Бул тууралуу Independent гезити жазат деп билдирди РИА Новости.
Ирактын Күрдстан аймагынын администрация башчысы Фуад Хуссейн аталган басылмага маек берип жатып аль Багдади дагы эле Мосул шаарында экенин, эгер аны кармап өлтүрсө, "Ислам мамлекетинин" бүтүндөй системасы талкаланат деген өкмөттүн маалыматын тастыктады.
Хуссейндин айтымында, террорчулардын лидери Мосулда турган убакта шаарды террорчулардан бошотуу кечеңдеши ыктымал.
Мосул шаарын бошотуу иштери 17-октябрь түнү башталган. Анда Ирактын аскер күчтөрү, полициясы жана АКШ башында турган коалиция күчтөрү шаарга массалык түрдө кирген.
