БИШКЕК, 2-ноя.— Sputnik. Екатеринбург шаарында ВИЧ эпидемиясы жарыяланды. Бул тууралуу шаар администрациясынын саламаттык сактоо башкармалыгына таянуу менен РИА Новости.
Башкармалыктын берген маалыматы боюнча шаарда ВИЧ илдети менен ооруган 26 693 адам катталган. Башкача айтканда, аймактагы калктын 1,8 пайызы же ар бир 50чү тургун аталган оору менен жабыркайт.
Мындан сырткары, каттоодо турган 774 баланын 342си ВИЧ илдетине кабылган.
"Ооруну жугузуп алгандардын саны өсүүдө, эң жогорку көрсөткүч темир жол районунда катталган (2 пайыздан жогору), Ленин жана Киров райондорунда 1,5 пайыз. Жалпысынан Свердлов району Россия боюнча аталган илдетке кабылгандардын алдында турат", — деди аталган башкармалык.
"Замандаш" ассоциациясынын билдирүүсүндө Екатеринбургда 20 миңден ашуун кыргызстандык жашайт.
Ал эми Кыргызстанда ВИЧ илдетине кабылгандардын саны 2016-жылдын 1-октябрында 6554 адамга жетип, анын 579у жаш балдар экени белгилүү болду.
