БИШКЕК, 29-окт.— Sputnik. Зика оорусу алгачкы жолу Мьянманын мурдагы борбору жана эң чоң шаары деп эсептелген Янгондо катталган. Бул тууралуу билдирген Global New Light of Myanmar гезитине шилтеме берип РИА Новости жазды.
Зика илдети Янгондо жашаган 32 жаштагы кош болйуу аялдын анализдеринен аныкталды.
Басылмада жазылгандай, аталган илдетке каршы аракеттер Мьянма, анын ичинде Янгондун тегерегинде жүргүзүлүүдө.
Зика вирусу (калтырак басуу, чыйрыгуу) – маймылдардын инфекциялык оорусу. Ал кээде адамга чымындар аркылуу жугуп, калтырап, чыйрыгуу менен коштолот. Вирус кош бойлуу аялдар үчүн абдан кооптуу. Анткени ал түйүлдүктү микроцефалияга (баш мээнин кичирейиши) жеткириши мүмкүн.
Учурда дүйнөнүн 60 мамлекетинде Зика оорусуна тушуккандар катталган.
