БИШКЕК, 29-окт. — Sputnuk. Режиссер Мирлан Абдыкалыковдун "Сүтак" тасмасы Киевдеги 46-ирет өтүп жаткан "Молодость" эл аралык конкурста мыкты аталып, конкурстук программага кирди. Бул туурасында аталган картинаны тарткан топтун өкүлү Алтынай Койчуманова билдирди.
"Молодость" эл аралык конкурсу ушул күндөрү Киевде өтүп жатат.
Фестивалдын алкагында конкурска катышпаган чыгармалар да кино сүйүүчүлөргө тартууланып жатат.
"Сүтак" тасмасы украиналык көрүүчүлүлөргө биринчи ирет көрсөтүлдү. Тасманын дүйнөлүк премьерасы Чехияда болгондон тарта Кыргызстандын атынан эл аралык 30га чукул кинофестивалдарга барып, 20дан ашуун жерден олжо менен кайткан.
Тасма жалгыз уулунан ажырап, келини Шайыр, небереси Умсунайды медер тутуп жашаган жылкычы Акылбек менен байбичеси Карачачтын тоодо күн кечирип келген жашоосун чагылдырып берет. Картина "Айтыш-фильм" киностудиясы менен "Ой-Арт" продюсердик компаниясы тарабынан тартылган.
