БИШКЕК, 28-окт. — Sputnik. Жалбырактуу дарактарды жана бадалды 15-октябрдан 15-ноябрга чейинки убакта аба ырайына карата отургузуу керек. Бул тууралуу Бишкек шаарынын мэриясынын маалымат кызматы билдирди.
"Зеленстрой" муниципалдык ишканасы көгөрүп турган тамыры ачык бак-дарактарды үч градустан төмөн болгондо отургузууга болбой тургандыгын айтты.
Адистердин айтымында, кызыл карагай, карагай, пихта, туя сыяктуу бак-дарактарды болсо кыш мезгилинде тиккен жакшы.
Учурда аталган ишканада отургуза турган стандарттуу көчөттөрдүн жана бадалдардын көптөгөн түрү бар. Ал эми көп жылдык гүлдөрдүн 20дан ашык түрү сунушталат (ясень, катальпа, кара жаңгак, сумах, карагай, туя, вергин арчасы, самшит, япон айвасы, хризантема, герань).
